2017年10月27日 星期五

Happy 5 year old

2017-10-27


UM.......對上一次月度記.........係4歲

成年無寫, 從何說起呢?

好彩有啲特別事情, 我都會用手機個notes 記底先,

不如就寫返出黎啦~

2016 NOV (4Y1M)
  • 話說一早返學,  一出lobby 就扑底, 我話你啲餅干會碎晒啦~ 哈哈~ 唔洗喊架, 好正常! 晉記起細個時有次食早餐時塊餅碎左, 佢發左好大脾氣, 仲掉餅落地, 之後話媽媽怕佢肚餓, 再比過佢, 仲陪佢食. 我乘機話: 嘩, 你發脾氣媽媽仲對你咁好呀? 佢即刻好sweet 咁攬住我~


2017 JAN (4Y3M)
  • 屋苑到新年都會有個財神, 我指住問晉佢係邊個,

         佢答我: 耶穌 >.<
         我話: 係財神,
         佢話: 早晨!
  • 細佬開始搞佢啲玩具, 有時會打細佬
  • 有晚畫畫, 畫中佢畫既晉晉喊, 因為果朝早我鬧得佢好金
  • 有次帶埋細佬去單車公園, 我就推BB 車同細佬係河邊散步, PAPA 就吊住佢尾係單車道路, 點知可能PAPA 跟甩左佢, 佢自己一個出左個單車道, 在入口度喊, 而我咁啱推住細佬入返公園, 見到有堆途人圍住, 於是八掛去望下, 點知完來係圍住晉, haha~ 我勁唔好意思, 係咁話冇事啦~冇事啦~而晉晉仲話叫左其中一個途人打比我, 我睇下手機, 又真係有個唔識既miss call~ 原來佢真係識背我個電話~ 事後我讚佢做得好好呀~ 識得搵人幫手~ 而PAPA 就真係底打!!!



2017 APRIL (4Y6M)
  • 識得自己個生日年/月/日



2017 MAY (4Y7M)
  • 大個左, 去到會所架車有小朋友玩緊, 佢就係咁死跟到人落車, 無好似以前夾硬去搶來玩
  • 話說佢兩父子出車, PAPA 順便去油站入油, 之後仲想泵呔, 於是就落左車, 咁泵呔時, PAPA 就踎底左, 點知晉以為PAPA唔見左,仲自己開門走左落車( 咁啱開門果邊唔係PAPA 踎果邊),佢又喊住走左入油站個shop搵人幫手,點知行返出黎就見到PAPA 踎左係度,佢先知PAPA 一直係架車旁邊囉,真係爆笑到極點!!!!
  • 去食火車壽司,PAPA 都未拎碟壽司,佢就禁走左,之後佢同PAPA 講對唔住, 果刻我同PAPA 都打左個眼色,會心微笑


2017 July (4Y9M)
  • 有晚放工打電話返屋企,晉聽電話,問佢屋企有冇面包,佢話PAPA 唔記得買,傻豬豬, 好搞笑,學我地講野~
  • 有次佢唔知食咩,我眼神話佢知我都好想食,點知佢話: 你唔洗望啦,我唔會比你食架, 我唔係你老公呀! (真係啤一聲!)


2017 Aug (4Y10M)
  • MAMA 果排好積極去跳番舞,但又好內疚夜晚陪唔到佢,於是問晉,MAMA 想去跳舞得唔得呀?佢竟然話,你去啦~我話咁我陪唔到你喎,佢話唔緊要啦~


2017 Sept (4Y11M)
  • 幫佢張八達通卡做屋苑登記,從此佢可以Doo 屋苑所有出入口,佢好開心,特登同我講左句:多謝媽媽~ 原來做少少野佢就已經可以好開心~



2017 Oct (4Y12M)
  • 上Playgroup 同學仔自我介紹話將來想做警察,點知晉爆左句: 黑警! 笑爆,佢果期超鐘意睇使徒行者囉。。。
  • 有日搭扶手電梯時我幫佢拉埋外套拉鍊,差不多到都未拉好,好彩我有自己留意住,我忍唔住話晉,你咁衰既,就到都唔提我~ 之後到另一次我又唔知係扶手電梯幫佢做啲咩背住企,今次佢竟然提我就到~果一刻好感動,佢真係有記住我講既野~

體重: 20KG, 身高:114CM




2 則留言:

  1. 叫財神做耶穌呢個好好笑喎﹗咁快就五歲啦﹗真係越來越暖男,要繼續錫爸爸媽媽同細佬呀﹗

    回覆刪除
    回覆
    1. Thanks~ 真係大個仔左好多, 但有時脾氣都好大~

      刪除